شيرازي، زهره

زهره شيرازي : ‘مس پاڪستان ورلڊ’ جو ٽائيٽل کٽيندڙ زهرا شيرازي، 1983ع ۾ ڪراچيءَ ۾ ڄائي. اهو اعزاز کيس 2003ع ۾ ڏنو ويو. ان کان سواءِ کيس ‘مس ڪئناڊا پاڪستان’ جو اوارڊ 2003ع تي ڪئناڊا ۾ ڏنو ويو. هيءَ پاڪستان جي پهرين عورت هئي، جنهن کي خوبصورتيءَ تي ‘دوشيزه پاڪستان’ جو اوارڊ مليو، هن کي جڏهن اهو تاج پهرايو ويو، تڏهن سندس عمر اوڻيهه سال هئي. ان کان پوءِ هوءَ 2004ع ۾ خوبصورتيءَ جي مقابلي لاءِ ڪوريا وئي هئي، پر اتان کيس حسن جو اوارڊ نه مليو، پر انهيءَ مقابلي ۾ هو ڇهون نمبر آئي ۽ کيس امن جي سفير جو خطاب مليو. زهره شيرازيءَ کي پاڪستان ۽ ڪئناڊا جي ٻٽي شهريت حاصل آهي. هوءَ هن وقت ڪئناڊا ۾ شراڪتي واپار ۾ وڏو نالو رکي ٿي. هن قسم جي حسن جا مقابلا مردن ۽ عورتن لاءِ 2002ع کان شروع ٿيا هئا، جن ۾ اهي پاڪستاني حصو وٺندا هئا، جيڪي پاڪستان کان ٻاهر رهن ٿا.

شخصيتون - ڀاڱي جون ٻِيون داخلائون